الإشعارات: بنبعتلك إيه

اللي تقدر تشغّله أو تقفله

• رحلات الأتوبيس: «التذكرة جاهزة»، و«تذكير قبل الركوب» (قبل التحرك بحوالي 30 دقيقة)، و«التأخير والتغييرات» (لو ميعاد رحلتك أو الأتوبيس اتغيّر).
• الطيران: «تحديثات الحجز» (حجز طيارتك اتأكد والتذكرة طلعت، أو ميعاد الشركة الجديد لما فريقنا يسجّله)، و«تذكير بالطيارة» (قبل الإقلاع بـ 24 ساعة وبـ 4 ساعات).
• الرحلات الخاصة: «تحديثات الطلب» (لما نبعتلك عرض السعر أو نأكد رحلتك)، و«تذكير بالرحلة» (بالليل قبل يوم رحلتك).
• المكافآت: «مكافآت الدعوة» (لما أول رحلة مدفوعة لصاحبك تكسّبكم نقط إنتوا الاتنين).
• العروض: «عروض وخصومات» و«عروض الذهاب والعودة»، ودول بيفضلوا مقفولين إلا لو إنت شغّلتهم.

التحديث بيوصلك بس على الطرق اللي سايبها شغالة: «إشعارات الموبايل»، أو «الإيميل»، أو الاتنين.

وعلى الموقع، صفحة «الإشعارات» في حسابك فيها نفس الاختيارات، وكمان اختيار لكل نوع من الإيميلات الاختيارية: تذكير الرحلة، وتغيير المواعيد، وتقييم الرحلة، والنقط والدعوات. ولينك إلغاء الاشتراك اللي في الإيميل بيقفل النوع ده، وتقدر تشغّله تاني من هناك.

بتوصلك دايمًا

فيه رسايل جزء من حجزك أو حسابك، فالاختيارات دي مش بتوقفها: التذاكر والتذاكر الإلكترونية والإيصالات على الإيميل، والإلغاء واسترجاع الفلوس، وأكواد الدخول وإيميلات الباسورد، وقرارات هوية المسافر، والإعلانات المهمة عن الخدمة. بس إشعاراتها ماشية على اختيار «إشعارات الموبايل».