بعد الدفع: التذاكر وأرقام الحجز

تأكيد الحجز

• وإحنا بنحجز، رحلتك مكتوب عليها «مدفوع · بيتأكد» في التطبيق، أو «بنطلّع تذكرتك» على الموقع.
• أول ما شركة الطيران تطلّع التذاكر، هيتكتب «مؤكدة» في التطبيق، أو «مؤكد» على الموقع، وبنبعتلك إشعار وبنبعتلك التذكرة PDF على الإيميل.
• لو مقدرناش نحجزها أوتوماتيك (زي إن شركة الطيران رفضت، أو سعرها زاد بعد ما دفعت)، فريقنا يا إما بيحجزها بإيده، يا إما بيلغيها ويرجّعلك كل اللي دفعته على الكارت.
• ولو اتلغت، بنبلّغك بإشعار وإيميل، ورحلتك هيتكتب عليها «الفلوس في طريقها ترجع» وبعدين «الفلوس رجعت» في التطبيق، أو «الفلوس راجعة لك» وبعدين «اترجّعت الفلوس» على الموقع.

أرقام حجزك

• رقم الحجز في شافل: رقم حجزنا، وبيبدأ بـ SHAFFL_FL_. قوله لينا لما تكلمنا.
• رقم الحجز (PNR): كود شركة الطيران لحجزك، وبيظهر أول ما الشركة تديهولنا.
• التذكرة: رقم التذكرة من شركة الطيران، وبيظهر أول ما يوصلنا، ولحد ساعتها التطبيق بيكتب «لسه».

تلاقي رحلتك فين في التطبيق

1. 01دوس على أيقونة التذكرة اللي تحت في الشاشة عشان تفتح «تذاكري».
2. 02افتح رحلتك عشان تشوف المواعيد والصالات والمسافرين وأرقام الحجز.
3. 03عشان تحفظ الـ PDF، دوس «إدارة الرحلة» وبعدين «نزّل التذكرة».

تلاقي رحلتك فين على الموقع

1. 01سجّل دخولك على shaffl.com وافتح «تذاكري» من حسابك.
2. 02دوس «شوف الرحلة» على رحلتك عشان تشوف مواعيدها وأرقام الحجز.
3. 03عشان تحفظ الـ PDF، دوس زرار التلات نقط (…) اللي جنب «كلّم الدعم»، وبعدين «نزّل التذكرة (PDF)».

دوّر على إيميل من شافل وفيه التذكرة PDF. مش لاقيه؟ بص في الـ Spam أو الـ Junk.